Make It Easy Do It Simple!
ការទទួលបានសិទ្ធិ Root គឺជាគោលដៅចម្បងរបស់អ្នកវាយប្រហារ ប៉ុន្តែបញ្ហាប្រឈមពិតប្រាកដគឺធ្វើដូចម្តេចដើម្បីបន្តស្ថិតនៅក្នុងប្រព័ន្ធដោយមិនឱ្យគេដឹង។ Backdoor ថ្មីមួយដែលមានឈ្មោះថា cwpdoor បានធ្វើកិច្ចការនេះដោយប្រើប្រាស់ web server ដែលដំណើរការ Control Web Panel (CWP) ឱ្យទៅជាឧបករណ៍វាយប្រហារ។
ជំនួសឱ្យការបង្កើត process ថ្មីដែលគួរឱ្យសង្ស័យ ពួកអ្នកវាយប្រហារបានកែប្រែ cwpsrv web server ផ្ទាល់តែម្តង។ នេះមានន័យថា backdoor នេះមិនមែនគ្រាន់តែស្ថិតនៅលើ server នោះទេ ប៉ុន្តែវាគឺជាផ្នែកមួយនៃ server តែម្តង។
ភាពគ្រោះថ្នាក់នៃ cwpdoor គឺស្ថិតនៅលើសមត្ថភាពលាក់ខ្លួនរបស់វា។ វានឹងមិនបង្ហាញសកម្មភាពដូចជា malware នោះទេ រហូតដល់វាទទួលបាន “សញ្ញា” ជាក់លាក់មួយ។
អ្នកវាយប្រហារផ្ញើសំណើ (web requests) ដែលមាន custom headers ចាប់ផ្តើមដោយ X-Ngx-Integrity។ Header ទាំងនេះរួមមាន timestamp និង signature ដែលត្រឹមត្រូវ។ ប្រសិនបើ signature នោះត្រូវ នោះ server នឹងដំណើរការ command ដែលបានបង្កប់មកជាមួយ។ អ្វីដែលគួរឱ្យបារម្ភបំផុតនោះគឺ សំណើទាំងនេះមិនត្រូវបានកត់ត្រាក្នុង access logs នោះទេ។ សម្រាប់អ្នកគ្រប់គ្រង (admin) ដែលពិនិត្យមើល log ពួកគេនឹងឃើញថាគ្មានអ្វីកើតឡើងនោះទេ។
ដើម្បីជៀសវាងការរកឃើញ កម្មវិធីដំឡើង (installer) បានកំណត់កាលបរិច្ឆេទនៃឯកសារ cwpsrv ឱ្យត្រលប់ទៅរកតម្លៃដើមវិញ។ ការប្រើls ឬ stat នឹងបង្ហាញថាឯកសារនោះមិនត្រូវបានកែប្រែក្នុងរយៈពេលយូរមកហើយ ទោះបីជាវាទើបតែត្រូវបានជំនួសក៏ដោយ។
ដោយសារ backdoor នេះលាក់ខ្លួនពី logs និង timestamps អ្នកត្រូវពិនិត្យមើលសកម្មភាពរបស់ប្រព័ន្ធ និង memory វិញ។
១. ពិនិត្យមើល Sockets
ដំណើរការss -axp | grep integrity។ ប្រសិនបើអ្នកឃើញលទ្ធផលដែលបញ្ជាក់ពី ngx_http_integrity_helper មានន័យថា server របស់អ្នកត្រូវបានគេគ្រប់គ្រង។ នេះគឺជា Unix socket ដែល backdoor ប្រើសម្រាប់ទំនាក់ទំនង។
២. ពិនិត្យមើល Processes
ដំណើរកា ps aux | grep cwpsrv។ ស្វែងរក helper processes មិនធម្មតាដែលត្រូវបានបង្កើតឡើងដោយ web server ចម្បង។
៣. ពិនិត្យមើល Binary File
ដំណើរការstrings /usr/local/cwpsrv/bin/cwpsrv | grep X-Ngx-Integrity។ ប្រសិនបើឈ្មោះ header ទាំងនោះលេចឡើង នោះមានន័យថាឯកសារត្រូវបានកែប្រែ។
ប្រសិនបើអ្នករកឃើញថាមានការឆ្លងមេរោគ សូមអនុវត្តជំហានដូចខាងក្រោម៖
cwpsrv.prev- តាមដោយកាលបរិច្ឆេទ) នៅក្នុង /usr/local/cwpsrv/bin។