Make It Easy Do It Simple!
អ្នកបង្កើតហ្គេមគ្រប់រូបតែងតែជួបបញ្ហាដែលពិបាកបំផុតនោះគឺ “Bug ដែលមិនអាចរកឃើញឡើងវិញបាន” (cannot reproduce)។ អ្នកលេងរាយការណ៍ថាហ្គេមគាំង (Crash) ប៉ុន្តែវាបែរជាកើតឡើងតែលើ Driver មួយចំនួន ឬ Hardware ពិសេសៗ ដែលធ្វើឱ្យអ្នកបង្កើតហ្គេមចំណាយពេលរាប់ថ្ងៃដើម្បីស្វែងរកមូលហេតុតែរកមិនឃើញ។
ពេលនេះ Microsoft បានចេញមុខដោះស្រាយបញ្ហានេះតាមរយៈមុខងារថ្មីមួយឈ្មោះថា DirectX Dump Files។

កន្លងមក នៅពេលដែល GPU ឈប់ដំណើរការ ហើយ Windows ធ្វើការ Reset Driver នោះទិន្នន័យនៃកំហុសតែងតែបាត់បង់។ ប៉ុន្តែ DirectX Dump Files នឹងកត់ត្រារាល់សកម្មភាពដែល GPU បានធ្វើ មុនពេលដែលវាគាំងតែម្តង។
វាប្រៀបដូចជា “ប្រអប់ខ្មៅ” នៃយន្តហោះសម្រាប់កាតក្រាហ្វិករបស់អ្នកអញ្ចឹង។ ជំនួសឱ្យការទាយតាមអារម្មណ៍ អ្នកបង្កើតហ្គេមអាចយករបាយការណ៍គាំងនោះ ទៅបើកក្នុងកម្មវិធី PIX របស់ Microsoft ដើម្បីពិនិត្យមើលស្ថានភាពពិតប្រាកដនៃ Hardware នៅពេលដែលវាមានបញ្ហា។
ចំណុចពិសេសបំផុតនោះគឺ “ភាពងាយស្រួលក្នុងការផ្ទេរទិន្នន័យ”។ អ្នកបង្កើតហ្គេមមិនចាំបាច់មាន GPU ឬ Driver ដូចអ្នកលេង ១០០% ដើម្បីវិភាគបញ្ហានេះទេ។ ឯកសារ Dump នេះមានទិន្នន័យគ្រប់គ្រាន់ ដែលអាចយកទៅវិភាគលើកុំព្យូទ័រផ្សេងទៀតបាន។
នេះជួយឱ្យអ្នកបង្កើតហ្គេមមិនចាំបាច់ទិញ GPU គ្រប់ស៊េរីមកទុកដើម្បីតែស្វែងរក Bug តែមួយនោះទេ។
មុខងារនេះមិនទាន់មានសម្រាប់គ្រប់ស៊េរីទាំងអស់នោះទេ ប៉ុន្តែវាគាំទ្រឧបករណ៍ធំៗដូចជា៖
សូមបញ្ជាក់ថា មុខងារនេះមិនមែនជួយ “បញ្ឈប់” ការគាំង (Crash) នោះទេ ប៉ុន្តែវាជួយឱ្យការ “រកដំណោះស្រាយ” កាន់តែលឿន។ នៅពេលដែលមានភស្តុតាងច្បាស់លាស់ អ្នកបង្កើតហ្គេមអាចចេញ Update ដើម្បីជួសជុល Bug បានរហ័សជាងមុន។
សម្រាប់អ្នកបង្កើតហ្គេម៖ ប្រសិនបើអ្នកប្រើ Windows 11 សូមចាប់ផ្តើមប្រើប្រាស់ DirectX 12 Agility SDK 1.620 និង PIX 2610.28 ដើម្បីចាប់ផ្តើមប្រមូលរបាយការណ៍កំហុសទាំងនេះ។