ព្រឹត្តិការណ៍នៅ Computex 2026 កន្លងទៅនេះ Intel បានបង្ហាញពីផលិតផលថ្មីរបស់ខ្លួនគឺ Crescent Island GPU។ នេះគឺជា (Graphics Card) សម្រាប់សេវាកម្ម (Data Center) ថ្មីបំផុតរបស់ Intel ដែលត្រូវបានរចនាឡើងដើម្បីគាំទ្រដល់ការកើនឡើងនៃបច្ចេកវិទ្យា AI និង (Inferencing)។
ចំណុចសំខាន់ៗគឺ៖
- មេម៉ូរី VRAM ដ៏ធំធេង: ចំណុចគួរអោយភ្ញាក់ផ្អើលបំផុតរបស់ Crescent Island GPU នេះគឺទំហំមេម៉ូរី។ ទោះបីជាវាកំណត់នៅត្រឹម 160GB ក៏ដោយ ប៉ុន្តែដោយសារអ្នកផលិតដៃគូ (ODM Partners) អាចផលិតបានកាន់តែច្រើន វាអាចមានទំហំរហូតដល់ 480GB។ វាប្រើបច្ចេកវិទ្យា LPDDR5X ជំនួសឱ្យ HBM ដើម្បីអោយមានប្រសិទ្ធភាពថាមពលខ្ពស់។
- បច្ចេកវិទ្យា Xe 3P: Crescent Island ដំណើរការលើបន្ទាត់ Arc Xe 3P (ដែលដូចគ្នានឹង Panther Lake)។ វាត្រូវបានធ្វើឱ្យប្រសើរដើម្បីការគណនា AI និងមានប្រសិទ្ធភាពក្នុងការប្រើប្រាស់ថាមពល។
- គាំទ្រប្រភេទទិន្នន័យច្រើន: Crescent Island GPU នេះអាចដំណើរការទិន្នន័យ AI សម័យថ្មីបានយ៉ាងល្អ ដោយគាំទ្រពី FP4/MXFP4 (សម្រាប់ការគណនាឥឡូវនេះ) រហូតដល់ FP64 សម្រាប់ការគណនាដែលទាមទារភាពត្រឹមត្រូវខ្ពស់។
- ប្រព័ន្ធត្រជាក់ Air Cooling: ទោះបីជាវាមានថាមពល (TDP) រហូតដល់ 350W ក៏ដោយ Intel បានរចនាឱ្យវាអាចប្រើប្រាស់ខ្យល់ត្រជាក់ (Air Cooler) ដែលធ្វើឱ្យងាយស្រួលក្នុងការដំឡើងនៅក្នុងបន្ទប់ Server។
Intel បានព្យាករណ៍ថា នៅក្នុងរយៈពេល ៥ ឆ្នាំខាងមុខនេះ ការប្រើប្រាស់ Data Center នឹងស្មើគ្នារវាងការងារទូទៅ និងការងារ AI។ Crescent Island GPU គឺជាការចូលរួយរបស់ Intel ដើម្បីធ្វើជាម្ចាស់គ្រប់គ្រងក្នុងវិស័យនេះជាមួយ NVIDIA និង AMD។
