ONEXPLAYER ទើបតែបង្ហាញ Super X Pro ជា gaming tablet ជំនាន់ថ្មីដែលប្រើប្រាស់ processor Ryzen AI Max+ PRO 495 របស់ AMD ដែលមានសមត្ថភាពខ្លាំងគួរឱ្យចាប់អារម្មណ៍។
ចំណុចសំខាន់គឺថា នេះជា 2-in-1 tablet ដំបូងគេដែលប្រើ processor ស៊េរីកំពូលរបស់ AMD។ Chip នេះមាន 16 cores Zen 5 (32 threads) ដែលដំណើរការរហូតដល់ 5.2 GHz រួមជាមួយ graphics Radeon 8065S ដែលមាន 40 compute units (RDNA 3.5) និង NPU សមត្ថភាព 55 TOPS។
អង្គចងចាំច្រើនជាង desktop របស់អ្នក
ចំណុចលេចធ្លោជាងគេគឺអង្គចងចាំ។ Super X Pro គាំទ្រអង្គចងចាំ unified memory រហូតដល់ 192GB កើនឡើងពី 128GB នៅក្នុង Super X ជំនាន់មុន។ វាប្រើប្រាស់ LPDDR5X-8533 ដែលមាន bandwidth រហូតដល់ 273 GB/s ហើយអាចបែងចែកអង្គចងចាំដល់ GPU រហូតដល់ 160GB។
Cooling រាវលើ tablet
ប្រព័ន្ធធ្វើឱ្យត្រជាក់មានកង្ហារពីរ ប៉ុន្តែចំណុចគួរឱ្យចាប់អារម្មណ៍គឺ Frost Bay external liquid cooler ដែលភ្ជាប់តាមរន្ធពីក្រោយ។ ពេលភ្ជាប់ cooler ប្រព័ន្ធអាចដំណើរការរហូតដល់ 120W ក្នុងពេលប្រើប្រាស់យូរ។
អេក្រង់ និងការតភ្ជាប់
- អេក្រង់ AMOLED 2880 × 1800 refresh rate 120Hz គាំទ្រ HDR
- ស៊ុមដែក CNC កម្រាស់ប្រហែល 13mm មាន kickstand អាចកែមុំបានដល់ 173 ដឺក្រេ
- អាគុយ 85.58Wh គាំទ្រការសាក 240W GaN
- ក្តារចុចម៉ាញេទិកដែលអាចដកចេញបាន មាន backlight RGB
តម្លៃ
មាន SSD M.2 2280 PCIe 4.0 និង MINI SSD ដែលអាចដកចេញបាន រួមជាមួយ USB4 ពីរ, USB-A, HDMI 2.1, card reader microSD និង jack 3.5mm។
ទោះយ៉ាងណា តម្លៃគឺជាបញ្ហា កំណែ 192GB នឹងត្រូវចំណាយច្រើនជាង “អ្វីដែលអ្នកអាចស្រមៃបាន” ដូចដែល ONEXPLAYER ផ្ទាល់បាននិយាយ។ Super X ជំនាន់មុនចាប់ផ្តើមត្រឹម $1,899 រហូតដល់ $2,759។ ដូច្នេះអ្នកណាចង់បាន tablet ដែលខ្លាំងជាង laptop ភាគច្រើន ត្រូវត្រៀមកាបូបលុយ។
